|
-Tønsberg stadion VIKINGLØPET 2011 Vikingløpet i Tønsberg vart arrangert helga 29. og 30. januar. Fin temperatur, sol og fine isforhold gjorde det triveleg å vere på utandørs skøyteløp. Sidan dette løpet var uttakingsløp til Vikingrace i Heerenveen, var det ekstra sterk kniving om dei fremste plassane i kvar klasse. Vikingrace vert også kalla uoffisielt VM på skøyter for ungdom. Løpa har deltakarar frå mange store skøytenasjonar.Tre løparar frå Hallingdal fekk tilbod om å representere Norge under løpa i Nederland i mars. Desse er Hilde Magnetun Brennhovd frå Gol i klasse jenter 13 år, Kristian Reinton og Henrik Fagerli Rukke frå Hol i klasse gutar 13 år. Vikingløpet vart dessutan ei kjempefin skøytehelg for dei andre deltakarane frå Gol og Hol. Dei som ikkje hadde klart kravet til deltaking i landsmeisterkapen i Stavanger i februar klarte det denne helga. Flott jobba!
|
 Her ser vi løparane og trenarane frå Gol og Hol (Hallingskjær) som deltok i Vikingløpet. Trenarane var svært nøgde med innsatsen til løparane. |