HALLINGDALSKARUSELLEN 2003
-med kjempefine forhold og tider i fremste klasse
| Påskevêr er vel den beste måten å beskrive forholda under
Hallingdalskarusellen på.
Isen var også av beste klasse både på Gol og i Hol. Det var generelt mange gode tider og det vart banerekordar på 3000 meter på Gol og på 5000 meter i Hol. Begge rekordane stod Preben Kristensen frå Fana for. Rekorden i Hol vart sett på dagen 12 år etter at Johan Olav Koss sette den forrige rekorden under NM i 1991. For deltakarane frå Buskerud vart det lagt inn kretsmeisterskap på enkelte distansar under Hallingdalskarusellen.
|
Det vanka takk og gode ord til Preben Kristensen både etter rekorden på 3000 på Gol og 5000 i Hol. |
Her ser vi finalelaga i stafetten på startstreken. |
4 x 400 meter stafett. Eit interessant og avvekslande innslag syntes deltakarane på slutten av første dag av Hallingdalskarusellen. Innsatsviljen og konkurransegløden viste seg å vere like sterk sjølv om stoppeklokka ikkje var i bruk. Her var det lagånd og laginnsats som var viktig. Ingen lag kunne overstige totalt 50 år. I år var det Stord som stakk av med sigeren i stafetten, like føre fjorårsvinnaren Fana. |
| Jammen godt at vi framleis kan oppleve skøyteløp på "gamlemåten" (les utandørs). Dette var omkvedet under løpa i Hallingdal i helga. Alle vi snakka med var samde i at slike dagar er det ute ein skal vere; i klar frisk luft med sola som varmekjelde. | 
|
Her har rekruttane fått premiane sine etter løpa på Gol. |
Hallingdalskarusellen er ei massemønstring for alle aldrar. Yngste løpar var 4 år medan eldste var 64. Imponerande innsats av desse og alle dei andre store og små som gjorde skøytehelga til ein fest. |