For tredje år på rad arrangerte Sandefjord skøiteklub Sandefjordløpet i Vikingskipet på Hamar. Løpet er ein arvtakar av Rådeløpet som gjekk i 11 år før dette. Overdommar for stemnet også dette året var primus motor for Rådeløpet Vidar Skaar.   

Med over 400 løparar på startstreken er dette ei oppleving for både store og små skøyteentusiastar. Innandørs og med ein lufttemperatur på 12-15 plussgrader vart det sett mange hundre personlege rekordar.  

Sandefjord skøiteklub har teke i bruk skøyteprogrammet "GlitreTid". Oddbjørn Jorde frå Gol, som har utvikla programmet, var med i arrangørstaben. 

Ola og Birgit var med som søsken-rekruttar i løpet. Dei likte seg godt på innandørs-isen.  

Sjå resultata på Sandefjord skøiteklub sine nettsider.