Her har Hilde Magnetun Brennhovd (til høgre) fått ein av sine i alt 3 bronsemedaljar under landsmeisterkapen. Foto: Kari kaupang Eide.  

Kjempeflott innsats av alle deltakarane frå Gol og Hol under landsmeisterskapen i Stavanger 12. og 13. februar. Berre dei  beste i landet frå kvart alderstrinn er kvalifiserte til denne meisterskapen. Totalt omlag 140 løparar frå heile landet. Frå Gol var det Sigbjørn Eide (G16), Hilde Magnetun Brennhovd (J13), Thomas Medgård (G13), Kristian Eidsberget (G13), Ole Henrik Haugen (G12) og Birgit Eide (J12) som var uttekne til LM.

Delegasjonen frå Gol og Hol tok i alt med seg 9 medaljar frå LM. I tillegg noterte dei seg også for mange gode plasseringar og personlege bestenoteringar. Flott å vere "best når det gjelder".

Sjå resultatlistene

Meisterskapen vart arrangert i den nye ishallen "Sørmarka Arena". Ein flott hall med allsidig aktivitetstilbod til publikum.

Turen til og frå Stavanger med felles buss for alle frå Gol og Hol var ein suksess. Miljøskapande og styrkande for samhaldet i Hallingskjær-gruppa. Vi rettar med dette ei stor takk til sjåfør Hallvar Haugen som losa oss trygt fram og tilbake på tildels svært smale vestlandsvegar.

Her ser vi alle 12 løparane og dei 3 trenarane frå Hallingskjær (Gol og Hol). Foto: Kari kaupang Eide.

Bussjåfør på vestlandsturen var Hallvar Haugen. Foto: Kari kaupang Eide.

Les skøyteblogggen til Hol