Her har alle 8 hallingløparane samla til trening på bana i Tromsdalen fredagen. F.v. ser vi trenarane Bjørn Arve Rue og Svein Arne Nymoen. Vidare har vi Samuel Bozenhard (Hol), Rumar Reinton (Hol), Simen Fivelstad Smaaberg( Gol), Martin Engene Øyan (Gol), Sigbjørn Eide (Gol), Hege Bøkko (Hol), Roger Reinton (Hol) og Nille Martha Norhaug Faleide (Gol). Foto: Gisle Eide

Fin innsats av alle deltakarane frå Gol under landsmeisterskapen i Tromsø 10. og 11. februar. Berre dei  beste i landet frå kvart alderstrinn er kvalifiserte til denne meisterskapen. 

Mykje snø og til tider utfordrande vêrtilhøve prega landsmeisterskapen dette året. Tett snøver gjorde at stemnet måtte ha stadige pauser for snørydding. Isen var likevel etter måten god og mannskapa gjorde ein flott innsats for å halde bana i stand. 

Det vart fleire personlege uterekordar og alle løparane våre gjorde ein kjempeinnsats. Spesielt spennande vart duellen mellom dei to golingane Simen Fivelstad Smaaberg og Martin Engene Øyan på 3000m. Berre vel eit sekund skilte dei i mål. Kjempeinnsats av løparane og underhaldande for publikum. 

Nille Martha Norhaug Faleide og Sigbjørn Eide oppnådde begge å verte nr. 4 i si klasse.

Her ser vi Sigbørn Eide som nr 4 i samandraget i klasse 12 år.

Her ser vi Nille Martha Norhaug Faleide som nr 4 i samandraget i klasse 13 år.