SKØYTEFEST MED LANDSLAGET PÅ GLITRE
- "We'll be back next year", sa landslagstrenaren siste kvelden på Gol
Sjå Hallingdølen si nettside
Sjå Radio Hallingdal si nettside
|
I samband med at skøytelandslaget, både for menn og kvinner, låg i treningsleir på Gol i tida 26. - 30. januar, arrangerte skøytegruppa festkveld på Glitre. Torsdag 29. januar skulle det etter planen vere vanleg klubbløp på Gol. Landslaget og hovudtrenar Peter Mueller vart med på bana denne ettermiddagen. For dei frammøtte vart det noko å minnast i lang tid. Mueller takka for eit fint opphald og lova å kome tilbake med landslaget neste år.
|
 Ikkje ofte treningsøkta vert krydra med oppmuntrande ord frå hovudtrenaren for landslaget. Martin (t.v.) og Simen lytta nøye til det Peter Mueller hadde å seie. |
Populært med fellesstart saman med dei beste løparane i landet. |
Både løparane og leiarane i landslaget stilte villige opp under opphaldet på Gol. Dei tok seg tid til både pressa, borna og andre skøyteinteresserte. Torsdagen var dei med borna på leik og moro på isen. Dei skreiv autografar og svara på spørsmål. |
|
Mellom vaflar og syltetøy i klubbhuset på Glitre skreiv landslagsløparane autografar "så blekket spruta". |
Her har Petter Andersen utfordra leiaren i Gol IL, Arve Rustberggard, til duell.
|
