IDRETTSLAGETS DAG - 14. NOVEMBER 2004
Etter initiativ frå skøytegruppa fekk idrettslagets dag ei anna form i år enn tidlegare. Vi meinte det var på tide med nytenking for å vekke publikum si interesse for dagen.
Fire av gruppene i Gol IL rigga seg til med aktivitetar utanfor Samfunnshuset. I tillegg til innandørs aktivitetar (gudsteneste, knøttefotballturnering, bruktsal og skismøring) vart det i år satsa på uteaktivitetar.
Skøytegruppa hadde rigga til sin post ved enden av symjehallen.
Publikum kunne her mellom anna
- delta i ein enkel spørjekonkurranse-svara her var lodd i trekking av premiar
- konkurrere i diskoskast med papptallerken
- prøve "skøyteløp" med papptallerken på ryggen
 Leiar i Gol IL, Gudmund Brekko, prøver seg her på diskoskasting med papptallerken. Ikkje noko å seie på hverken stilen eller innsatsen. |
Sjølv om 14. november var ein typisk kjøleg haustdag, la det ingen dempar på dei som besøkte dei ulike gruppene sine postar under idrettslagets dag. |
Barmarksskøyteløp med papptallerken på ryggen var ei ny øving både for deltakarane og arrangørane. Det viste seg mellom anna at stofftype i jakkene var avgjerande. |
 Ikkje berre enkelt å balansere ein papptallerken på ryggen medan ein går "skøyteløp". |