- over 200 deltakarar på
HALLINGDALSKARUSELLEN 2006
Folksamt på Glitre stadion under 1. dag av Hallingdalskarusellen på Gol. |
Nokre få minusgrader på morgonen og sol utover dagen møtte dei over
200 løparane som stilde til start på Glitre stadion på Gol laurdag 25. februar. Den
perfekt
preparerte isen på Glitre skein om kapp med sola. Mange
sette personlege rekordar og det vanka godord til arrangørane frå det
rekordstore antalet deltakarar.
|
| 4 x 400 meter stafett er eit populært innslag. Dei fleste av dei
deltakande løparane var med i stafetten. Sjølv om stemnet vart
framskunda med ein time, vart det mørkt før det var tid for stafetten. Det vart
arrangert innleiande heat og finale. I år vart det eitt av Fana sine lag som
vart vinnarar. På andreplass kom Geithus og nummer tre vart eitt av Stord
sine lag i konkurransen.
|
|
 Her ser vi rekruttane t.v. Marius Pettersen (Gol) og Henrik Fagerli Rukke (Hol) i kappestrid på 100 m i Hol på sundagen. |
Stord tok tredje napp i vandrepokalen som beste klubb samanlagt for begge dagane. I sterk kamp med Fana gjekk dei sigrande ut av den kampen. Det store antalet veteranar skaffa også dette året Stord dei nødvendige poenga til å verte beste klubb. Vi merka oss også at klubbar som Båstad og Geithus kom høgt opp i denne konkurransen. |