Bedriftsstafetten på skøyter på Glitre stadion har vorte tradisjon.

Stafetten vart i år arrangert måndag 16. februar. Fint og ikkje for kaldt vêr danna ei fin rame kring arrangementet. 

Det viktigaste med stafetten er å møtast og ha det gøy på isen.  Einaste kvalifiseringskravet for å delta er å vere i stand til å gå 400 meter på skøyter. Kvart lag består av 3 personar. 

Tradisjonen tru var det lagt opp til klassar både for racerar og for idealtid. Pokalen i idealtidsklassa (med utkleding) gjekk til dei tre damene på laget frå Gol kommune-helsevesenet. Racerklassa vart vunnen av turistbedriftene sitt lag. På sølv og bronseplass kom Monter sitt 1. og 2. lag.

Laget frå turistbedriftene i Gol og Hemsedal som tok gullet i racerklassa. F.v. Ola Halvar Jorde, Ove Kristian Moholt og Arve Rustberggard.   

Her ser vi laget frå Gol kommune-helsevesenet som gjekk av med sigeren i idealtid/kostymeklassa. Dei synte ekte idrettsglede over sigeren og nappet i pokalen.  

Heile 10 lag var med i bedriftsstafetten i år. Dei to damelaga som deltok var dei einaste med kostyme. Vi vonar fleire lag stiller med kostyme til neste års bedriftsstafett - og det er lov også for karane å kle seg ut denne dagen.

Her ser vi laget frå Kvinnovasjon Hallingdal som også hadde kledd seg ut til stafetten. Til høgre kan de sjå plakatane dei hadde festa på ryggen. I takt med tida får ein seie. Flott!