Skøytegruppa arrangerte også i år bedriftsstafett på skøyter på Glitre stadion.

Stafetten vart arrangert måndag 14. februar. Fint vêr og nokre få kuldegrader danna ei kjempefin rame kring arrangementet. 

Det viktigaste med stafetten er å møtast og ha det gøy på isen.  Einaste kvalifiseringskravet for å delta er å vere i stand til å gå 400 meter på skøyter. Kvart lag består av 3 personar. 

Skøytegruppa hadde lagt opp til klassar både for racerar og for idealtid. Laget frå DBC Elite (Oddbjørn Jorde, Per Helge Myklebust og Mona Rust) kom nærast idealtida (3.41) og vart vinnar av idealtidløpet med 3.39,8. I stafetten vart det for tredje året på rad siger til laget frå turistbedriftene i Gol. Nummer to vart utfordrarlaget frå Solstad med Marit Jorde, Birgitte Jorde og Ingeborg Øynebråten. Vinnarlaget opplyste under premieseremonien at dei kjøper ny vandrepokal til neste års bedriftsstafett. Skøytegruppa takkar så mykje. 

Det var laget frå turistbedriftene i Gol som gjekk av med sigeren i stafetten. Laget, f.v. Torleif Brekko, Ove Kristian Moholt og Arve Rustberggard, tok heim den oppsette vandrepokalen for tredje år på rad. 

DBC Bygg stakk for andre året på rad av med premien for beste lag i klassa for idealtid. Det vanka fine premiar til f.v. Per Helge Myklebust, Mona Rust og Oddbjørn Jorde.   

Turistbedriftene i Gol

Solstad

Gol ungdomsskule

Byggmakker I

Gol Brann- og redningsteneste

Damer 40+

Byggmakker II

DBC Bygg

Ål Brann- og redningsteneste

Hemsedal Brann- og redningsteneste