Skøytegruppa arrangerte også i år bedriftsstafett på skøyter på Glitre stadion.

Stafetten vart arrangert onsdag 11. februar. Fint vêr og nokre få kuldegrader danna ei kjempefin rame kring arrangementet. 

Det viktigaste med stafetten er å møtast og ha det gøy på isen.  Einaste kvalifiseringskravet for å delta er å vere i stand til å gå 400 meter på skøyter. Kvart lag består av 3 personar. 

Skøytegruppa hadde lagt opp til klassar både for racerar og for idealtid. Alle laga gjekk først ein runde kvar (eitt og eitt lag). Laget frå DBC Elite (Oddbjørn Jorde, Per Helge Myklebust og Jan Olav Skinnemoen) kom nærast idealtida og vart vinnar av idealtidløpet. I stafetten vart det ein knapp siger til laget frå turistbedriftene i Gol. Dei vann med ca 1 meter på førstelaget til Byggmakker. Sidan dei 3 kvinnene som deltok danna eitt lag vart det også utdelt gullmedaljar i kvinneklassa.  

I år, som i fjor, var det laget frå turistbedriftene i Gol som gjekk av med sigeren i stafetten. Laget, som bestod av f.v. Torleif Brekko, Ove Kristian Moholt og Arve Rustberggard, får her utdelt vandrepokalen av leiar i skøytegruppa Birgit Engene.

DBC Show Team (frå DBC Regnskap) representerte den kvinnelege delen av deltakarane. F.v. Gunvor Hodnungseth, Birgit Sørli og Ragnhild Brennhovd.  

Ekstra hyggjeleg var det at kvinnene igjen var tilbake i stafetten. Laget frå DBC regnskap (DBC Show Team) hadde til og med kledd seg i bunad mv. og sette absolutt sitt preg på arrangementet. Takk til damene frå DBC. Neste år vonar vi at endå fleire kvinner tek del, anten som eigne lag eller saman med menn.