Byggmakker stilte 3 lag til bedriftsstafetten. Eigen heiagjeng hadde dei også. Her ser vi Henrik Engene Øyan med sjølvlaga plakat.  

Skøytegruppa i Gol idrettslag arrangerte også i år bedriftsstafett på skøyter på Glitre stadion.

Stafetten vart arrangert onsdag 19. februar. Stjerneklårt vêr og nokre få kuldegrader danna ei kjempefin rame kring arrangementet. 

Det viktigaste med stafetten er å møtast og ha det gøy på isen.  Einaste kvalifiseringskravet for å delta er å vere i stand til å gå 400 meter på skøyter. Kvart lag består av 3 personar. 

Skøytegruppa hadde lagt opp til klassar både for racerar og for idealtid. I klassa for idealtid var det ingen deltakarar. Vi vonar dette kan rette seg til neste års stafett. Idealtid kan vere ein artig måte å konkurrere på.   

Etter at Vianor hadde vunne bedriftsstafetten dei tre føregåande åra var det i år laget frå turistbedriftene i Gol sin tur. Laget bestod av f.v. Ove Kristian Moholt, Arve Rustberggard og Torleif Brekko.  

Sølv til dette laget frå Byggmakker. F.v. Paul Lie, Torgeir Vestenfor og Olav Moen. Bronsemedaljane gjekk til laget frå DBC. 

Merk! Stafetten er i hovudsak leik og moro - ikkje blodig alvor.

Vi vonar dei mange som hadde møtt fram som tilskodarar er med på å auke kvinnedelen i neste års stafett.