Vegvesenet sitt lag var uniformert med refleksvestar. Godt synlege og utan tvil god reklame for bruk av refleks. Peik på biletet og sjå vestane "fungere". 

Gol Reisemål og Skøytegruppa i Gol idrettslag arrangerte også i år bedriftsstafett på skøyter på Glitre stadion.

Stafetten vart arrangert onsdag 27. februar.

Det viktigaste med stafetten er å møtast og ha det gøy på isen.  Einaste kvalifiseringskravet for å delta er å vere i stand til å gå 400 meter på skøyter. Kvart lag består av 3 personar. 

Det er viktig å merke seg at dei verksemdene som stiller lag både i skøytestafetten og i Hallingrittet på sykkel i juni vil få ekstrapremie. 

Formann i skøytegruppa Ola Halvar Jorde applauderer vinnarane frå Vianor. Dei fekk gullmedaljar og tok med seg vandrepokalen til odel og eige. 

Målfoto mellom laga frå DBC og Brannvesenet. Paul Lie frå Brannvesenet slår Per Helge Myklebust på målstreken og sikrar sølvmedaljen.

Vi vonar dei mange som hadde møtt fram som tilskodarar er med på å auke kvinnedelen i neste års stafett.